Ծրագրի շրջանակում տրամադրվում է մինչև 150,000 դրամի չափով ֆինանսական աջակցություն ընտանիքում բռնության ենթարկված անձանց։ 

Մշտական, ժամանակավոր կամ փաստացի բնակության վայր չունեցող անօթևան, կյանքի դժվարին իրավիճակում հայտնված անձինք կարող են դիմել ժամանակավոր օթևան ստանալու համար։

Ժամանակավոր կացարանում անօթևան անձանց տրամադրվում են սոցիալական ծառայություններ՝ շուրջօրյա լրիվ խնամք, սոցիալական սպասարկում և երկարաժամկետ կացարանով (90 օր) ապահովում։

Ծրագրի նպատակն է տրամադրել միանվագ 250,000 դրամ ֆինանսական աջակցություն թրաֆիքինգի և շահագործման, սեռական բռնության ենթարկված անձանց։

Ծրագրի շրջանակներում փոխհատուցվում են զինծառայողների ծնողների բժշկական ծախսերի մի մասը՝ դոնորական ձվաբջիջ կամ փոխնակ մոր ծառայություններ ձեռք բերելու համար: 

Աջակցությունը տրամադրվում է զոհված, մարտական գործողությունների կամ ծառայողական պարտականությունների կատարման ժամանակ անհայտ կորած կամ դատական կարգով մահացած ճանաչված զինծառայողների ծնողներին։ 

Ծրագրի շրջանակներում պետությունը տրամադրում է միանվագ ֆինանսական աջակցություն, որը նախատեսված է․

• ծառայողական պարտականությունները կատարելու ժամանակ կամ զինվորական ծառայության ընթացքում զոհված զինծառայողի ընտանիքի համար,
• զինվորական ծառայության ժամանակ զոհված զինծառայողի հուղարկավորության, գերեզմանների բարեկարգման, տապանաքարերի պատրաստման և տեղադրման հետ կապված ծախսերի փոխհատուցման համար,
• հաշմանդամության զինվորական կենսաթոշակի իրավունք ունեցող նախկին զինծառայողի և ծառայության ընթացքում զոհված զինծառայողի ընտանիքների անդամների համար։

Ծրագրի շրջանակում բնակարանի կամ բնակելի տան ձեռքբերման կամ բնակելի տան կառուցման նպատակով ֆինանսավորում կարող են ստանալ 500 զինծառայող հետևյալ բաշխմամբ.

• 450 պայմանագրային զինծառայող` սպայական և ավագ ենթասպայական կազմերից,
• 40 զինծառայող՝ ազգային անվտանգության մարմիններից,
• 10 զինծառայող՝ պետական պահպանության մարմնից։

Եթե նշված քանակից ավելի զինծառայող է դիմում ներկայացնում ծրագրին մասնակցելու համար, ապա վիճակահանությամբ է որոշվում, թե ովքեր են ստանում բնակարանի կամ նոր տան ձեռքբերման կամ նոր կառուցվող տան նպատակով ֆինանսավորում։

Ֆինանսական հատուցման կարող են դիմել հայրենիքի պաշտպանության մարտական գործողություններին մասնակցելու կամ հակառակորդի հետ շփման գծում մարտական հերթապահության կամ հատուկ առաջադրանք կատարելու ժամանակ կամ հակառակորդի նախահարձակ գործողության հետևանքով զինծառայողների կյանքին կամ առողջությանը պատճառված վնասների դեպքում հետևյալ անձինք․

• զոհված (մահացած) կամ անհայտ բացակայող ճանաչվելու դեպքում՝ ընտանիքի անմիջական անդամները՝ հայրը, մայրը, գրանցված կամ չգրանցված ամուսնության մեջ գտնվող կինը կամ ամուսինը, երեխաները,
• 1-ին և 2-րդ խմբի զինհաշմանդամություն կամ ֆունկցիոնալության խորը և ծանր սահմանափակում ունեցող զինծառայողները։

Ծրագիրը իրականացվում է Զինծառայողների ապահովագրության ազգային հիմնադրամի` ԶԻՆԱՊԱՀԻ կողմից:

Ծրագիրն ուղղված է ՀՀ պաշտպանության նախարարության և ՀՀ ազգային անվտանգության ծառայության սահմանապահ զորքերի ու հատուկ ստորաբաժանումների զինծառայողների ընտանիքներին։ Ծրագրի շրջանակում պետությունն աջակում է շահառուներին ձեռբ բերել բնակարան։

Աջակցությունից կարող են օգտվել․

• հաշմանդամության զինվորական կենսաթոշակ ստանալու իրավունք ունեցող նախկին զինծառայողների ընտանիքները,
• զոհված զինծառայողների ընտանիքները։

Ծրագրի շրջանակում գործում են 3 տեսակի կենսաթոշակ․

• երկարամյա ծառայության զինվորական կենսաթոշակ,
• հաշմանդամության զինվորական կենսաթոշակ,
• կերակրողին կորցնելու դեպքում զինվորական կենսաթոշակ։

Ստորև ներկայացված են յուրաքանչյուր կենսաթոշակի տրամադրման կարգը, պահանջները և անհրաժեշտ փաստաթղթերի ցանկը։

Ծրագիրն ուղղված է ՀՀ պաշտպանության նախարարության զինծառայողներին և նրանց ընտանիքներին։ Ծրագրի շրջանակում պետությունը տրամադրում է․

• բնակարան,
• տնամերձ հողամաս։

Ընդ որում՝ բնակարանային ապահովման աջակցությունը կատարվում է 3 եղանակներից մեկով․

• անհատույց օգտագործման (բնակության) իրավունքով,
• սեփականության իրավունքով,
• բնակարանի գնման վկայագրով։

Այս ծրագրի շրջանակում յուրաքանչյուր տարի ՀՀ պետական բյուջեից գումար է հատկացվում սահմանամերձ 23 համայնքների 82 բնակավայրերի բնակիչներին, որը կարող է ուղղվել բնական գազի, էլեկտրաէներգիայի և ոռոգման ջրի սակագնի մասնակի փոխհատուցմանը և անշարժ գույքի հարկի ամբողջական փոխհատուցմանը։ 

The state provides support for energy-efficient renovation of apartments and houses. Under this program, the interest on renovation loans is covered by the state for a period of up to 7 years. This allows residents to carry out energy-efficient renovations without the additional burden of interest payments.

Ծրագրի նպատակը երիտասարդ ընտանիքների բնակարանային խնդիրների հաղթահարման հարցում արդյունավետ պետական աջակցության համակարգի ներդրումն է։

Ծրագրի շահառուները կարող են պետության կողմից սուբսիդավորում ստանալ նաև բնակարանը երկրորդային շուկայից ձեռք բերելու դեպքում։

Ծրագրի շրջանակներում աջակցություն է տրամադրվում սահմանամերձ գյուղական բնակավայրերում և առանձին բնակավայրում բնակելի տուն կառուցելու համար հիպոթեքային վարկ ստացած շահառուներին։ Աջակցությունն ուղղվում է հիպոթեքային վարկի ամենամսյա մայր գումարի և տոկոսագումարների մարմանը։

Ծրագրի շրջանակում միանվագ դրամական աջակցություն է տրամադրվում մարզային բնակավայրերում հիպոթեքային վարկով բնակարան ձեռք բերելու կամ անհատական բնակելի տուն կառուցելու նպատակով։ 

Եթե հիպոթեքային վարկը տրամադրել է համագործակցող բանկերից որևէ մեկը, ապա Աշխատանքի և սոցիալական հարցերի նախարարություն դիմում ներկայացնելու կարիք չկա․ բանկն ինքը դիմողի տվյալները կփոխանցի նախարարություն։

Իսկ եթե հիպոթեքային վարկը տրամադրվել է ցանկում չներառված բանկի կողմից, ապա անհրաժեշտ է ներկայացնել դիմում ստորև նկարագրված եղանակով։