Սույն ծրագրի շրջանակներում ԼՂ-ից տեղահանված այն անձինք, ովքեր ԼՂ-ում ստանում էին երեխայի ծննդով պայմանավորված նպաստներ, կարող են դիմել ՀՀ-ում նպաստների նշանակման համար։    

Լեռնային Ղարաբաղից բռնի տեղահանված անձանց բժշկական սպասարկումը, այդ թվում` հիվանդանոցային բժշկական օգնությունը և սպասարկումը, հատուկ հետազոտությունների, նորագույն և թանկարժեք տեխնոլոգիաներով մատուցող ծառայությունների իրականացումը բժշկական ցուցման դեպքում կազմակերպվում է պետական պատվերի շրջանակներում՝ անվճար: 

Ծրագրի շրջանակում ԼՂ-ից բռնի տեղահանված անձանց տրամադրվում է սոցիալական աջակցություն՝ կեցության և այլ ծախսերը հոգալու համար։ 

2023 թվականի սեպտեմբերի 19-ից հետո ԼՂ-ից բռնի տեղահանված և ՀՀ ուսումնական հաստատություններում սովորող ուսանողները կարող են դիմել ուսման վարձի փոխհատուցում ստանալու համար։

Ծրագրի նպատակն է աջակցել Ղարաբաղից տեղահանված անձանց տնտեսական կայունացմանը՝ ձեռնարկատիրական գործունեություն սկսելու և զարգացնելու միջոցով։ Պետությունը տրամադրում է թե՛ մասնագիտական գիտելիքներ (բիզնես դասընթացներ), թե՛ ֆինանսական աջակցություն։

Հայտներն ընդունվում են մինչև 2026 թվականի դեկտենբերի 31-ը։

Ծրագրի շրջանակում ԼՂ-ից բռնի տեղահանված բուժաշխատողները կարող են դիմել բուժաշխատողի հավաստագիր ստանալու և հետագայում մասնագիտական աշխատանք գտնելու համար։

Ծրագրի միջոցով ԼՂ-ից բռնի տեղահանված ընտանիքները կարող են ստանալ բնակարան, տուն կամ գործող հիպոթեքային վարկի մարման աջակցություն։ 

Ծրագրի շրջանակում ՀՀ Կառավարությունը ներում է ԼՂ-ից բռնի տեղահանված անձանց պարտավորությունները, ովքեր ՀՀ բանկերում և վարկային կազմակերպություններում մինչև 2023 թվականի սեպտեմբերի 19-ը ունեցել են ոսկու գրավադրմամբ տրամադրված սպառողական վարկ, որի չափը չի գերազանցում 2,500,000 ՀՀ դրամը։

Ծրագրի նպատակն է սոցիալական աջակցություն տրամադրել 2020 թվականի սեպտեմբերի 27-ից ԼՂ-ի ուղղությամբ սկսված պատերազմական գործողությունների հետևանքով քաղաքացիական անձանց շրջանում անհայտ կորածների ընտանիքներին։