Թանկարժեք մետաղների հարգորոշման և թանկարժեք քարերի փորձաքննության են ենթարկվում բոլոր առարկաները, որոնք պատրաստված են թանկարժեք մետաղներից և թանկարժեք քարերից, նախքան թանգարանային պահոց մուտքագրվելը: Պետական գանձարանի կողմից իրականացվում է թանկարժեք մետաղների հարգորոշում, որոշվում է մետաղի հարգը և քաշը, իսկ թանկարժեք քարերի համար՝ տեսակը, չափսը և կշիռը` կարատով: Փորձաքննության արդյունքում կազմվում է փորձագիտական եզրակացություն: Փորձագիտական եզրակացությունը ստորագրվելուց հետո կազմվում է հանձնման-ընդունման ակտ: