Ներկայացվող պահանջները

Հատուկ անձնագիր ստանալու համար անհրաժեշտ է՝

• լինել ազգությամբ հայ օտարերկրյա քաղաքացի,
• լինել ՀՀ-ում տնտեսական կամ մշակութային գործունեություն ծավալող օտարերկրյա քաղաքացի։

Պահանջվող փաստաթղթերը

Անհրաժեշտ է համապատասխան ՀՀ դեսպանություն կամ հյուպատոսական հիմնարկ ներկայացնել հետևյալ փաստաթղթերը․

• ՀՀ վարչապետին ուղղված դիմում-հարցաթերթիկ,

• ՀՀ դեսպանության կամ հյուպատոսական հիմնարկի ղեկավարին ուղղված նամակ, որը պետք է պարունակի հետևյալ տեղեկությունները.

  • ներկա և նախկին (եթե կա այդպիսին) քաղաքացիության մասին,
  • հատուկ կացության կարգավիճակի համար դիմելու դրդապատճառները,
  • մասնագիտության և աշխատանքի մասին,
  • Հայաստան կատարած այցերի մասին,
  • ՀՀ-ում նախկինում ունեցած կացության կարգավիճակների մասին (եթե այդպիսիք եղել են),
  • դատվածության առկայության մասին,

• անձնագիր կամ ճամփորդական փաստաթուղթ և դրա՝ նոտարական կարգով վավերացված հայերեն թարգմանությունը,

• 35 x 45մմ չափսի 6 լուսանկար,

• ազգությամբ հայ լինելը հաստատող փաստաթուղթ,

• պետական տուրքի վճարման անդորրագիրը։

Պահանջվող հավելյալ փաստաթղթեր

Անչափահաս լինելու դեպքում անհրաժեշտ է ներկայացնել նաև՝

• ծնողի կամ օրինական ներկայացուցչի անձնագիրը և ազգակցական կապը հաստատող փաստաթուղթը։
  
  

Լիազորված անձի միջոցով դիմելու դեպքում լիազորված անձը պետք է ներկայացնի նաև՝

• իր անձնագիրը և լիազորագիր։

Վճարման չափը և կարգը

Հատուկ կացության կարգավիճակ ստանալու համար անհրաժեշտ է վճարել 150,000 ՀՀ դրամ։ Վճարումն անհրաժեշտ է կատարել առցանց եղանակով։

Ուշադրություն
Մինչև 18 տարեկան անձանց հատուկ կացության կարգավիճակը տրամադրվում է անվճար։

Տրամադրման ժամկետը և կարգը

Հատուկ կացության կարգավիճակի դիմումն ուսումնասիրվում է 3 ամսվա ընթացքում։ Անձի դիմումը բավարարվելու դեպքում անձին տրվում է հատուկ անձնագիր։ Անձնագիրը ստանալու համար անհրաժեշտ է այցելել այն դեսպանություն կամ հյուպատոսական հիմնարկ, որտեղ անձը դիմել է հատուկ կացության կարգավիճակ ստանալու համար։

Հղում օրենսդրությանը

• «Օտարերկրացիների մասին» ՀՀ օրենք
• «Պետական տուրքի մասին» ՀՀ օրենք

Իրավական ակտերը հնարավոր է գտնել arlis.am-ում։