Փոփոխության համար անհրաժեշտ է պահանջվող փաստաթղթերով դիմել ՀՀ արդարադատության նախարարության իրավաբանական անձանց պետական ռեգիստրի գործակալության տարածքային սպասարկման գրասենյակներ։

Պետական գրանցման համար անհրաժեշտ փաստաթղթերը դիմողը ներկայացնում է գործակալություն թղթային կրիչի վրա անձամբ կամ ներկայացուցչի միջոցով:

Ներկայացվող պահանջները 

Դիմելու համար անհրաժեշտ է լինել իրավաբանական անձի գործադիր մարմնի ղեկավարը կամ վերջինիս կողմից լիազորված անձ։ 

Պահանջվող փաստաթղթերը

Իրավաբանական հասցեի փոփոխության համար անհրաժեշտ է ներկայացնել՝

• դիմում,
• կանոնադրության փոփոխությունները, լրացումները կամ նոր խմբագրությամբ կանոնադրությունը հաստատելու մասին որոշում,
• կանոնադրության փոփոխությունները կամ լրացումները (կամ նոր խմբագրությամբ կանոնադրությունը),
• պետական տուրքի վճարումը հավաստող փաստաթուղթ,
• լիազորագիր և անձը հաստատող փաստաթուղթ (լիազորված անձի դեպքում):

Վճարման չափը և կարգը

Իրավաբանական հասցեի փոփոխության համար անհրաժեշտ է վճարել 10,000 դրամ՝
ՀՀ պետական բյուջեի 900005160719 հաշվեհամարին, եթե փոփոխության է ենթարկվում նաև կազմակերպության կանոնադրությունը։ 

Եթե փոփոխվում է միայն կազմակերպության իրավաբանական հասցեն, ապա դրա համար պետական տուրք չի գանձվում։ 

Տրամադրման ժամկետը և կարգը

Իրավաբանական հասցեի փոփոխության պետական գրանցումը կատարվում է 2 աշխատանքային օրվա ընթացքում։ 

Փոփոխությունները համարվում են կատարված դրանք գործակալության կողմից գրանցամատյանում գրառելու պահից:

Հղում օրենսդրությանը

• «Իրավաբանական անձանց պետական գրանցման մասին» ՀՀ օրենք 
• «Պետական տուրքի մասին» ՀՀ օրենք 

Օրենքը հնարավոր է գտնել arlis-ում (անհրաժեշտ է կարդալ ամենավերջին փոփոխված տարբերակը):