Ինչպե՞ս դիմել

Պետական մարմինների փորձնակների ցանկում ընդգրկվելու համար անձը պետք է մասնակցի վարկանիշային թեստավորմանը և ուղարկի էլեկտրոնային դիմում info@cso.gov.am էլ․ փոստի հասցեին։

Ներկայացվող պահանջները

Պետական մարմիններում փորձնակի աշխատանքի համար կարող են դիմել անձինք, ովքեր՝

• բուհը կամ քոլեջը ավարտել են առավելագույնը 1 տարի առաջ,
• վարկանիշային ցուցակում ընդգրկվելու համար թեստավորման արդյունքում հավաքել են առնվազն 30 միավոր։

Պահանջվող փաստաթղթերը

Անհրաժեշտ է վարկանիշային թեստավորման արդյունքների հրապարակումից հետո քաղաքացիական ծառայության գրասենյակի էլ․ փոստի հասցեին ուղարկել դիմում։

Տրամադրման ժամկետը և կարգը

• Փորձնակների ցանկում ընդգրկվելու համար դիմում ներկայացնելուց հետո քաղաքացիական ծառայության գրասենյակը 3 աշխատանքային օրվա ընթացքում դիմողի էլ․ փոստին ուղարկում է հաստատման կամ մերժման նամակ։
• Փորձնակի թափուր հաստիք ունեցող պետական մարմինը փորձնակների ցանկն ուսումնասիրելուց հետո ընտրում է փորձնակի աշխատանքային ծրագրի պահանջներին համապատասխանող անձին:

Հավելյալ տեղեկատվություն

Փորձնակների ցանկում ընդգրկվելու ժամկետը 2 տարի է: Ցանկում ընդգրկվելու ժամկետի սկիզբը հաշվարկվում է թեստավորման բոլոր մասնակիցների արդյունքների ամփոփմանը հաջորդող օրվանից:

Հղում օրենսդրությանը

• ՀՀ աշխատանքային օրենսգիրք
• ՀՀ Կառավարության` 2017 թվականի սեպտեմբերի 28-ի N1214-Ն որոշում
• ՀՀ առաջին փոխվարչապետի՝ 2018 թվականի դեկտեմբերի 12-ի N 439-Ն որոշում

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակը)։)