Ինչպե՞ս դիմել

Թաղման նպաստը ստանալու համար անհրաժեշտ է դիմել միասնական սոցիալական տարածքային ծառայություն (տարածված է նաև Սոցապ)` ներկայացնելով պահանջվող փաստաթղթերը։

Ներկայացվող պահանջները

• Նպաստը  նշանակելու համար պարտադիր պայման է, որ նպաստառուն մահացած լինի և հուղարկավորությունը կատարված լինի ՀՀ-ում։
• Նպաստը ստանալու համար պարտադիր է դիմել անձի մահվաnից հետո 6 ամսվա ընթացքում։ (6 ամիսը բաց թողնելու դեպքում դիմումը մերժվում է և մահվան ծախսերի համար նախատեսված միանվագ նպաստը չի վճարվում)։ 

Պահանջվող փաստաթղթերը

Թաղման նպաստի դիմելու համար անհրաժեշտ է ներկայացնել՝

• անձնագիր կամ նույնականացման քարտ,

• մահվան վկայական և դրա պատճեն,

• հաշմանդամության ժամկետը լրացած և վերափորձաքննության չներկայացած անձի մահվան դեպքում բացի վերը նշված փաստաթղթերից ներկայացվում է նաև տեղեկանք մահացած անձի` վերափորձաքննության չներկայանալու մաuին:
  
  

Թաղման նպաստ նշանակվում է՝

• կենսաթոշակառուի մահվան դեպքում,
• հաշմանդամություն ունեցող անձի մահվան դեպքում, եթե հաշմանդամության վերափորձաքննության ժամկետը լրանալուց հետո 3 ամսվա ընթացքում չի ներկայացել փորձաքննության և այդ ընթացքում մահացել է,
• հաշմանդամ ճանաչված անձի մահվան դեպքում, ով ճանաչվել է հաշմանդամ, բայց չի դիմել նպաստը ստանալու համար և մահացել է հաշմանդամ ճանաչվելու օրվանից հետո 3 ամսվա ընթացքում,
• ծառայությունից ազատված նախկին զինծառայողի մահվան դեպքում, ով հաշմանդամ է և ձեռք է բերել կենսաթոշակի իրավունք, սակայն չի դիմել այն նշանակելու համար ծառայությունից ազատվելուց կամ հաշմանդամ ճանաչվելուց հետո 6 ամսվա ընթացքում:
  
  

Ուշադրություն
Սոցիալական պաշտպանության հաստատությունում բնակվող նպաստառուի մահվան դեպքում թաղման նպաստ չի վճարվում, եթե հուղարկավորությունը կատարում է այդ հաստատությունը։

Տրամադրման ժամկետը և կարգը

Թաղման նպաստը վճարվում է անձի մահվանից հետո` 6 ամսվա ընթացքում, կենսաթոշակ նշանակող ստորաբաժանում գրավոր դիմումը և անհրաժեշտ փաստաթղթերը ներկայացնելու դեպքում:  

Թաղման նպաստի համար դիմելուց հետո այն տրամադրվում է դիմումը ներկայացնելուց հետո 5 աշխատանքային օրվա ընթացքում։

Հղում օրենսդրությանը

«Պետական նպաստների մասին» ՀՀ օրենք

Օրենքը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։