Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Դիմում-հայտ ներկայացնելու համար անհրաժեշտ է․

• այցելել dimord.am համակարգ,
• գրանցվել՝ լրացնելով անհրաժեշտ դաշտերը (գնահատման և թեստավորման կենտրոնի անձնական համար, որը տրամադրվում է դպրոցի կողմից, էլեկտրոնային փոստի հասցե և այլ անձնական տվյալներ),
• «Միասնական և կենտրոնացված քննության մասնակցության վճարի» դաշտում նշել վճարի չափը և ներբեռնել անդորրագիր(եր)ը։ Մեկ քննություն հանձնելու դեպքում ընտրել 1,500, 2-ի դեպքում՝ 3,000, իսկ եթե դիմումատուն ազատված է վճարից, ընտրել 0 և ներբեռնել վճարից ազատումը հավաստող փաստաթուղթը (առաջին փուլի միասնական 1 քննության վճարը 4500 դրամ է),
• շարունակել լրացնել պահաջվող հաջորդ դաշտերը և սեղմել «Հաստատել» կոճակը։
  
  

Պահանջվող փաստաթղեր

• անձնագիր կամ նույնականացման քարտ կամ ծննդյան վկայական,
• հանրային ծառայությունների համարանիշ (ՀԾՀ կամ սոցիալական քարտի համար),
• կրթության վկայական/ատեստատ (հիմնական կամ միջնակարգ),
• վճարման անդորրագիր։
  
  

Վճարման չափը

Բարձրագույն ուսումնական հաստատություն հայտ ներկայացնելու համար անհրաժեշտ է յուրաքանչյուր քննության համար վճարել 1,500 դրամ (առաջին փուլի միասնական 1 քննության վճարը 4500 դրամ է)։

Տրամադրման ժամկետը և կարգը

Դիմում-հայտը հաստատվելուց հետո դիմորդը կարող է մուտք գործել անձնական էջ, տեսնել դիմումի ընթացքը, հարկ եղած դեպքում խմբագրել տվյալները կամ չեղարկել հայտը մինչև մայիսի 10-ը՝ ժամը 18:00-ն։

Հղում օրենսդրությանը

ՀՀ կառավարության՝ 2022 թվականի հուլիսի 29-ի N29-Ն որոշում

Որոշումը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։