Ուսման վճարի լրիվ կամ մասնակի փոխհատուցման մասին դիմումներն ընդունվում են բուհում՝

• Առկա կամ հեռավար ուսուցման դեպքում՝ տվյալ ուսումնական տարվա յուրաքանչյուր կիսամյակի ուսումնական պարապմունքների սկզբին հաջորդող չորս շաբաթների ընթացքում։
• Հեռակա ուսուցման դեպքում՝ տվյալ ուսումնական տարվա յուրաքանչյուր կիսամյակի ուսումնական պարապմունքների սկզբին նախորդող և հաջորդող մեկական շաբաթների ընթացքում:

Ներկայացվող պահանջները

Պետության կողմից ուսման վճարի լրիվ փոխհատուցման համար կարող են դիմել այն ուսանողները, որոնք․

• 1 ուսումնական տարվա քննությունների և ստուգարքների արդյունքներով ունեն առավել բարձր գնահատականներ,
• մնացել են առանց ծնողական խնամքի (մինչև 23 տարեկանը լրանալը),
• ունեն 1-ին, 2-րդ խմբի հաշմանդամություն, ինչպես նաև ֆունկցիոնալության ծանր և խորը, իսկ մինչև 18 տարեկանների դեպքում նաև՝ միջին աստիճանի սահմանափակում,
• ժամկետային պարտադիր զինվորական ծառայության ընթացքում ստացել են 1-ին կամ 2-րդ խմբի հաշմանդամություն,
• զոհված զինծառայողի ընտանիքի անդամ են (ծնող, ամուսին, մինչև 27 տարեկան զավակ)։

Պետության կողմից ուսման վճարի մասնակի փոխհատուցման համար, ըստ առաջադիմության, կարող են դիմել այն ուսանողները, որոնք՝

• անապահովության որոշակի միավոր ունեցող կամ սահմանամերձ համայնքում բնակվող և սոցիալական աջակցություն ստացող ընտանիքից են,
• մասնակցել են մարտական գործողություններին,
• ունեն երկու և ավելի անչափահաս երեխա (առկա ուսուցմամբ բակալավրի ու անընդհատ և ինտեգրացված կրթական ծրագրերի դեպքում)։ 

Ուշադրություն
Բուհի միջոցների հաշվին ուսման վճարի մասնակի փոխհատուցման տրամադրման չափանիշներին ծանոթանալու համար անհրաժեշտ է դիմել բուհին։