Լրացուցիչ կրթության մոդուլային ծրագրերի երաշխավորման նպատակով իրավաբանական կամ ֆիզիկական անձը, կամ անհատ ձեռնարկատերը դիմում-հայտը՝ համապատասխան լրացուցիչ կրթության մոդուլային ծրագրի հետ միասին ներկայացնում է ՀՀ կրթության, գիտության, մշակույթի և սպորտի նախարարության secretariat@escs.am էլեկտրոնային հասցեին:

 
Տրամադրման ժամկետը և կարգը

Նախարարությունը դիմումը ստանալու օրվան հաջորդող 3 աշխատանքային օրվա ընթացքում ներկայացված լրացուցիչ կրթության մոդուլային ծրագիրը փորձաքննության է ուղարկում ոլորտում նման գործառույթ իրականացնող կամ ծրագրի բնույթով պայմանավորված մասնագիտացված կազմակերպությանը, որն առավելագույնը 15 աշխատանքային օրվա ընթացքում տալիս է փորձագիտական եզրակացություն:

Հղում օրենսդրությանը

ՀՀ ԿԳՄՍ նախարարի՝ 2025 թվականի հունիսի 16-ի N 51-Ն հրաման

Հրամանը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։