Դիմելու համար անհրաժեշտ է անձամբ կամ լիազորված անձի միջոցով այցելել ՀՀ արդարադատության նախարարության իրավաբանական անձանց պետական ռեգիստրի գործակալության տարածքային սպասարկման գրասենյակներ և ներկայացնել դիմում։

Պահանջվող փաստաթղթերը

Անհատ ձեռնարկատիրոջը հաշվառումից հանելու համար անհրաժեշտ է ներակայացնել․

• դիմում և անձը հաստատող փաստաթուղթ,
• լիազորագիր  (լիազորված անձի դեպքում),
• տեղեկանք` «Արխիվային գործի մասին» ՀՀ օրենքի պահանջներին համաձայն։ Այն է՝ անհատ ձեռնարկատերերի լուծարման դեպքում անհատ ձեռնարկատերը կազմակերպում է իր գործունեությամբ առաջացած անձնակազմին վերաբերող փաստաթղթերի առանձնացումը և հանձնումը պետական կամ համայնքային արխիվ:

Մահացած անհատ ձեռնարկատիրոջը հաշվառումից հանելն իրականացվում է ինքնաշխատ կերպով։ Դրա անհնարինության դեպքում իրականացվում է շահագրգիռ անձի դիմումի հիման վրա, որի համար ներկայացվում են որպես անհատ ձեռնարկատեր հաշվառված անձի նույնականացման համար բավարար տեղեկատվություն և մահվան փաստը հաստատող փաստաթուղթ (պատճենելուց հետո վերադարձվում է ներկայացնողին)։

Անհայտ բացակայող անհատ ձեռնարկատիրոջը հաշվառումից հանելն իրականացվում է շահագրգիռ անձի դիմումի համաձայն, որի համար ներկայացվում են որպես անհատ ձեռնարկատեր հաշվառված անձի նույնականացման համար բավարար ցանկացած տեղեկատվություն և անհայտ բացակայող ճանաչելու մասին դատարանի որոշման պատճենը:

Սնանկ ճանաչված անհատ ձեռնարկատիրոջը պետական հաշվառումից հանելու համար ներկայացվում են`

• դիմում,
• դատարանի` օրինական ուժի մեջ մտած որոշման պատճենը,
• տեղեկանք` «Արխիվային գործի մասին» ՀՀ օրենքի պահանջներին համաձայն։ Այն է՝ անհատ ձեռնարկատերերի լուծարման դեպքում անհատ ձեռնարկատերը կազմակերպում է իր գործունեությամբ առաջացած անձնակազմին վերաբերող փաստաթղթերի առանձնացումը և հանձնումը պետական կամ համայնքային արխիվ:

Վճարման չափը և կարգը