Ինչպե՞ս դիմել

Ծառայությունից օգտվելու համար անհրաժեշտ է անձամբ այցելել ՀՀ ներքին գործերի նախարարության (ՆԳՆ) միգրացիայի և քաղաքացիության ծառայության ցանկացած տարածքային ստորաբաժանում։

Ներկայացվող պահանջները

• Ծառայության համար կարող են դիմել անձինք, ովքեր հրաժարվել են ՀԾՀ ստանալուց և նույնականացման քարտի համար դիմելուց։
• Տեղեկանքը կարող են ստանալ նաև անձինք, ովքեր նախկինում ունեցել, բայց կորցրել են ՀԾՀ չստանալու մասին տեղեկանքը։

Պահանջվող փաստաթղթերը

Տեղեկանքը ստանալու համար անհրաժեշտ է տրամադրել հետևյալ փաստաթղթերը․

• դիմում, 
• անձնագիր,
• ՀՀ կացության կարգավիճակ ունեցող օտարերկրյա քաղաքացիների համար՝ կացության քարտ,
• կացության կարգավիճակ չունեցող օտարերկրացիների համար՝ օտարերկրյա անձնագիրը և դրա նոտարով վավերացված հայերեն թարգմանությունը, 
• քաղաքացիություն չունեցող անձանց համար՝ կացության վկայականը կամ ճամփորդական փաստաթուղթը, 
• փախստականի կարգավիճակ ունեցող անձանց համար՝ ճամփորդական փաստաթուղթը, 
• ծննդյան վկայական՝ մինչև 16 տարեկան քաղաքացիների համար,
• նախկինում նման տեղեկանք ստացած լինելու դեպքում՝ նշված տեղեկանքը (այն կորցնելու դեպքում՝ դիմումի մեջ նշում է կատարվում)։

Ուշադրություն
Անձնագրային բաժին այցելելիս անհրաժեշտ է ներկայացնել թվարկված փաստաթղթերի բնօրինակները և դրանց պատճենները՝ համեմատելու համար։

Վճարման չափը և կարգը

ՀԾՀ չստանալու մասին տեղեկանքի տրամադրման ծառայությունը անվճար է։

Տրամադրման ժամկետը և կարգը

• Փաստաթղթերը ներկայացնելուց հետո տեղեկանքը տրամադրվում է 1 աշխատանքային օրվա ընթացքում։
• Փաստաթղթերը թերի լինելու դեպքում տրվում է 1 օր լրացնելու համար։
  
  

Հղում օրենսդրությանը

ՀՀ կառավարության՝ 2012 թվականի ապրիլի 5-ի N 419-Ն որոշում

Որոշումը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)