Պահանջվող փաստաթղթերը

Իրավաբանական անձի լուծարման հանձնաժողովը լուծարման գործընթացն ավարտելուց հետո լուծարման պետական գրանցում կատարելու համար գործակալություն է ներկայացնում հետևյալ փաստաթղթերը՝ 

• դիմում,
• իրավաբանական անձի մասնակիցների կամ դրա համար կանոնադրությամբ լիազորված իրավաբանական անձի մարմնի որոշումը լուծարման հաշվեկշիռը հաստատելու մասին,
• լուծարման հաշվեկշիռը,
• իր կողմից տեղեկանք` «Արխիվային գործի մասին» ՀՀ օրենքի պահանջների կատարման մասին (այն է՝ Այլ իրավաբանական անձանց լուծարման դեպքում լուծարային հանձնաժողովը կազմակերպում է լուծարվող կազմակերպության գործունեությամբ առաջացած անձնակազմին վերաբերող փաստաթղթերի առանձնացումը և հանձնումը պետական կամ համայնքային արխիվ:

Սնանկության հետևանքով լուծարված իրավաբանական անձի լուծարման պետական գրանցման համար ներկայացվում  է նաև դատարանի` օրինական ուժի մեջ մտած վճիռը։

Դատարանի` օրինական ուժի մեջ մտած վճռով իրավաբանական անձանց լուծարման դեպքում լուծարումն իրականացվում է վճռում նշված մարմնի, իսկ նման նշման բացակայության դեպքում` իրավաբանական անձի մասնակիցների կամ դրա համար կանոնադրությամբ լիազորված իրավաբանական անձի մարմնի կողմից, որոնք լուծարումը գրանցելու համար գործակալություն են ներկայացնում դատարանի վճիռը:

Տրամադրման ժամկետը և կարգը

Իրավաբանական անձի լուծարման հանձնաժողովը լուծարման գործընթացն ավարտելուց հետո փաստաթղթերը ներկայացնում է գործակալություն՝ լուծարման պետական գրանցում կատարելու համար:

Գործակալությունը իրավաբանական անձի կողմից լուծարման մասին դիմում ստանալուց հետո` 3 օրվա ընթացքում, հարցում է ուղարկում հանձնաժողովին։  

Հանձնաժողովը պատասխանում է հարցմանն այն ուղարկելու օրվանից հետո` 10 օրվա ընթացքում: 

Գործակալությունը լուծարման գրանցում կատարելու մասին դիմում ստանալուց հետո` 1 աշխատանքային օրվա ընթացքում, հարցում է ուղարկում հարկային մարմին։
Հարկային մարմինները պատասխանում են հարցմանը այն ստանալու օրվանից հետո` 20 օրվա ընթացքում: 

Ներկայացված փաստաթղթերի ստուգումից և նախատեսված հավաստումները ստանալուց հետո լուծարման պետական գրանցումը մերժելու հիմքեր չհայտնաբերելու դեպքում իրավաբանական անձի լուծարումը համարվում է գրանցված, և 1 աշխատանքային օրվա ընթացքում գործակալությունում լուծարման մասին տեղեկությունները գրառվում են պետական միասնական գրանցամատյանում: 

Իրավաբանական անձը համարվում է լուծարված, իսկ նրա գոյությունը` դադարած պետական գրանցման պահից:

Հղում օրենսդրությանը

• «Իրավաբանական անձանց պետական գրանցման մասին» ՀՀ օրենք 
• «Արխիվային գործի մասին» ՀՀ օրենք