Ներկայացվող պահանջները

Հայաստան մշտական բնակության տեղափոխվելու վերաբերյալ տեղեկանք ստանալու համար դիմող անձը վերջին 7 տարիների ընթացքում պետք է գտնված լինի օտարերկրյա պետությունում առնվազն 1280 օր և առավելագույնը 2550 օր։

Պահանջվող փաստաթղթերը

Տեղեկանքը ստանալու համար անհրաժեշտ է անձնագրային բաժանմունք ներկայացնել․

• անձը հաստատող փաստաթուղթ, մասնավորապես՝
  • ՀՀ քաղաքացու դեպքում՝ ՀՀ քաղաքացու անձնագիրը,
  • ՀՀ-ում մշտական կացության կարգավիճակ ունեցող անձի դեպքում՝ մշտական կացության քարտ,
  • ՀՀ-ում հատուկ կացության կարգավիճակ ունեցող անձի դեպքում՝ հատուկ անձնագիր,
  • փախստական անձ լինելու դեպքում՝ փախստականի վկայականը,
  • տեղահանված անձ լինելու դեպքում՝ տեղահանվածի կարգավիճակը հավաստող փաստաթուղթը,
• օտարերկրյա պետության անձնագիրը կամ կացության քարտը։

Վճարման չափը

Տեղեկանքը տրամադրվում է անվճար։

Տրամադրման ժամկետը և կարգը

Տեղեկանքը տրամադրվում է 5 աշխատանքային օրվա ընթացքում։

Տեղեկանքը ստանալու համար անհրաժեշտ է այցելել այն անձնագրային բաժանմունք, որտեղ անձը դիմել է այն ստանալու համար։

Հղում օրենսդրությանը

ՀՀ կառավարության՝ 2020 թվականի հուլիսի 2-ի N 1131-Ն որոշում

Որոշումը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։