Այց ամրագրելիս անհրաժեշտ է նշել այն անձի տվյալները, ով անձամբ ներկայանալու է ընդունելության: Յուրաքանչյուր այցելուի համար անկախ տարիքից անհրաժեշտ է կատարել անհատական հերթագրում։

Առցանց հերթագրվելու համար անհրաժեշտ է՝

• բացվող էջում մուտքագրել էլ․ փոստի հասցեն և հեռախոսահամարը, այնուհետև՝ էլ․ փոստին ուղարկված կոդը,

• բացվող էջի «Այցի ամրագրում» դաշտում ընտրել նախընտրելի բաժանմունքը կամ վարչությունը,

• անհրաժեշտ է լրացնել այն անձի տվյալները, ում համար ներկայացվում է դիմումը,

• «Ընտրել օր և ժամ» պատուհանում ընտրել հասանելի օրերից ու ժամերից ամենահարմար տարբերակը։
• Ամրագրումը հաստատող ծանուցումը կուղարկվի նշված էլ․ փոստի հասցեին՝ ներառելով ընտրված օրը և ժամը։ Հետագայում, ամրագրումների պատմությանը կարելի է ծանոթանալ Միգրացիայի և քաղաքացիության թվային ծառայությունների հարթակի «Իմ դիմումները» բաժնում։

Ներկայացվող պահանջները

Նույնականացման քարտը փոխանակելու համար անհրաժեշտ է՝

• hաշվառված լինել Բնակչության պետական ռեգիստրում (գրանցված լինել ՀՀ տարածքի որևէ հասցեում)։

Պահանջվող փաստաթղթերը

Նույնականացման քարտը փոխանակելու համար անհրաժեշտ է ներկայացնել՝

• փոխանակման ենթակա նույնականացման քարտը (առկայության դեպքում),

• քաղաքացու տվյալները փոփոխված կամ ոչ ճիշտ լինելու դեպքում՝ իրավասու մարմնի կողմից տրված՝ փոփոխությունը կամ անճշտությունը հավաստող փաստաթուղթը,

• պահանջվող փաստաթղթերն օտար լեզվով կազմված լինելու դեպքում՝ դրանց՝ նոտարական կարգով կատարված և վավերացված հայերեն թարգմանությունները,
• պետական տուրքի վճարման անդորրագիրը։

Վճարման չափը և կարգը

Նույնականացման քարտը փոխանակելու համար անհրաժեշտ է վճարել 3,000 ՀՀ դրամ։

Վճարումն իրականացվում է հետևյալ եղանակներից մեկով՝

• E-payments համակարգի միջոցով,
• բանկային փոխանցման միջոցով ՀՀ պետական բյուջեի հաշվեհամարին՝ 900005162178 (եթե
• բանկային հավելվածում չի ստացվում փոխանցում կատարել այս հաշվեհամարին, ապա խնդրում ենք ընտրել «Փոխանցում պետական բյուջե» տարբերակը),
• բաժանմունքում տեղադրված վճարային տերմինալով։

Նախապես վճարելու դեպքում վճարման անդորրագիրը կամ բանկային փոխանցումը հիմնավորող պատկերը (screenshot) անհրաժեշտ է ներկայացնել թղթային տարբերակով, քանի որ այն կցվելու է քաղաքացու փաստաթղթերին (էլեկտրոնային եղանակով ներկայացված անդորրագրերը չեն ընդունվում)։

Տրամադրման ժամկետը

Նույնականացման քարտը փոխանակվում է 15 աշխատանքային օրվա ընթացքում։

Հնարավոր է նույնականացման քարտը նաև ավելի շուտ ստանալ՝ կնքելով պայմանագիր։  Պայմանագրի կնքման կարգն ու մանրամասները անհրաժեշտ է ճշտել այն անձնագրային բաժնից, որտեղից պատրաստվում եք ստանալ Ձեր նույնականացման քարտը։ 

Վճարումների չափն ու տրամադրման ժամկետներն են՝

• 3,000+20,000 ՀՀ դրամ՝ նույնականացման քարտը 1 աշխատանքային օրվա ընթացքում ստանալու համար,

• 3,000+10,000 ՀՀ դրամ՝ նույնականացման քարտը 3-րդ աշխատանքային օրը ստանալու համար,

• 3,000+5,000 ՀՀ դրամ՝ նույնականացման քարտը 5-րդ աշխատանքային օրը ստանալու համար։

Կորցնելու դեպքում նույնականացման քարտն ավելի շուտ ստանալու նպատակով վճարումները կատարվում են հետևյալ չափով՝ 

• 3,000+40,000 ՀՀ դրամ՝ նույնականացման քարտը 1 աշխատանքային օրվանից հետո ստանալու համար,

• 3,000+20,000 ՀՀ դրամ՝ նույնականացման քարտը 3 աշխատանքային օրվանից հետո ստանալու համար,

• 3,000+10,000 ՀՀ դրամ՝ նույնականացման քարտը 5 աշխատանքային օրվանից հետո  ստանալու համար։

Այս դեպքում վճարումը հնարավոր է կատարել միայն անձնագրային բաժանմունքում վճարային տերմինալի միջոցով։

Նույնականացման քարտը ստանալու համար անհրաժեշտ է այցելել այն անձնագրային բաժանմունք, որտեղ անձը դիմել է քարտը ձեռք բերելու համար։

Հղում օրենսդրությանը

• «Նույնականացման քարտերի մասին» ՀՀ օրենք
• Կառավարության 2017 թվականի հունվարի 19-ի N 54-Ն որոշում

Իրավական ակտերը հնարավոր է գտնել arlis.am-ում։