Էլեկտրաէներգիայի սպառման բաժանորդագրության դիմում ներկայացնելու համար անհրաժեշտ է էլեկտրոնային նամակ ուղարկել office@ena.am հասցեին՝ կցելով պահանջվող փաստաթղթերը։

Ներկայացվող պահանջները 

Բաժանորդագրության համար անհրաժեշտ է ունենալ անշարժ գույքի սեփականության կամ գնման իրավունքի վկայական։ Վարձակալի կողմից դիմում ներկայացվելու դեպքում՝ սեփականատիրոջ գրավոր համաձայնությունը։

Պահանջվող փաստաթղթերը

Էլեկտրոնային նամակում անհրաժեշտ է նշել տան հասցեն և կցել հետևյալ փաստաթղթերը․

• անձնագիր կամ նույնականացման քարտ,
• անշարժ գույքի սեփականության իրավունքի վկայական,
• կամ անշարժ գույքի գնման իրավունքի վկայական,
• վարձակալի դեպքում՝ սեփականատիրոջ գրավոր համաձայնությունը։

Վճարման չափը

Բաժանորդագրության դիմումը անվճար է։

Տրամադրման ժամկետը և կարգը

• Դիմումից հետո 15 աշխատանքային օրվա ընթացքում տեսուչը կատարում է համապատասխան տեխնիկական միացումները, և դիմումատուն դառնում է էլեկտրաէներգիայի սպառման բաժանորդ։ 
• Միացումներից հետո պայմանագիրն ուղարկվում է դիմումատուի էլեկտրոանային հասցեին։
• Պայմանագրի հիման վրա դիմումատուն հետագայում կատարում է էլեկտրաէներգիայի սպառման կոմունալ վճարը, որի կոդը սովորաբար լինում է պայմանագրի կոդը կամ բաժանորդի հեռախոսահամարը։
  
  

Հղում օրենսդրությանը

• ՀՀ հանրային ծառայությունները կարգավորող հանձնաժողովի՝ 2019 թվականի դեկտեմբերի 25-ի N 523-Ն որոշում
• «Պետական տուրքի մասին» ՀՀ օրենք

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակը):