Ինչպե՞ս դիմել

Երեխային դպրոցում հայտագրելու համար «Շարունակել» կոճակը սեղմելուց հետո՝ 

• հայտագրողը նույնականացվում է,
• կատարում է հայտի հաջորդական քայլերը,
• ստորագրում է հայտը,
• կնքում է պայմանագիր դպրոցի հետ։
  

Ուշադրություն

• Գրանցումից հետո անհրաժեշտ է անցնել «Ենթահամակարգեր» բաժինը և սեղմել «Առաջին դասարանցիների հայտագրում» կամ «Հայտագրում ավագ դպրոցներում» ենթաբաժինը։
• Գրանցման կամ հայտագրման ընթացքում տեխնիկական խնդիրների դեպքում՝ զանգահարել 010 57 84 53 հեռախոսահամարով։

Ներկայացվող պահանջները

• Առաջին դասարան հայտագրելու դեպքում երեխային դպրոցում հայտագրելու համար կարող են դիմել ՀՀ կամ օտարերկրյա քաղաքացիություն ունեցող ծնողները, եթե երեխայի 6 տարին լրացել կամ լրանում է մինչև տվյալ տարվա դեկտեմբերի 31-ը ներառյալ։ Ավելի փոքր տարիքի երեխաների ընդունելությունը ուսումնական հաստատություն արգելվում է:
• Ավագ դպրոց հայտագրելու դեպքում երեխային դպրոցում հայտագրելու համար կարող են դիմել ՀՀ կամ օտարերկրյա քաղաքացիություն ունեցող ծնողները, եթե երեխան 14-ից 17 տարեկան է։ 
  
  

Պահանջվող տվյալները

«ԵսԵմ» նույնականացում չունենալու և համակարգում գրանցվելու դեպքում անհրաժեշտ է մուտքագրել հետևյալ տվյալները․

• հանրային ծառայության համարանիշ (սոցիալական քարտի համար),
• անուն, ազգանուն,
• ծննդյան ամսաթիվ։
  
  

Ընդունելությունը կազմակերպելիս առաջնահերթությունը տրվում է՝

• տվյալ դպրոցում սովորող քույր, եղբայր ունեցող երեխաներին,
• դպրոցին մոտ բնակվող անապահով ընտանիքների, խնամակալության տակ գտնվող, հաշմանդամություն ունեցող կամ հաշմանդամություն ունեցող ծնողների երեխաներին (այս դեպքում դիմումը և Միասնական սոցիալական ծառայության տեղեկանքը պետք է ուղարկել secretariat@escs.am էլ. հասցեին), 
• ՀՀ տարածքում առնվազն 6 ամսով այլ բնակավայր տեղափոխված պետական համակարգի աշխատակիցների երեխաներին, 
• տվյալ դպրոցի աշխատակիցների երեխաներին։
  
  

Հայտագրման ժամանակացույց

Հայտագրումը առաջին դասարանցիների համար տեղի է ունենում 3 փուլով, ավագ դպրոցի համար՝ 2 փուլով։

Ուշադրություն

• Հանրակրթական դպրոցի առաջին դասարանի երեխայի ընդունելության ժամանակ նրա գիտելիքների ստուգումը արգելված է։
• Կրթության առանձնահատուկ պայմանների կարիք ունեցող երեխաների ընդունելությունը ուսումնական հաստատություն կատարվում է ընդհանուր հիմունքներով:

Տրամադրման ժամկետը և կարգը

Հայտագրումից հետո ստորագրված պայմանագիրը գեներացվում է անմիջապես։

Հղում օրենսդրությանը

• «Հանրակրթության մասին» ՀՀ օրենք
• ՀՀ կրթության և գիտության նախարարի՝ 2010 թվականի նոյեմբերի 24-ի N 1640-Ն հրաման

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակները):