Ինչպե՞ս դիմել

Ամուսալուծության առցանց գրանցման համար «Շարունակել» կոճակը սեղմելուց հետո անհրաժեշտ է՝ 

• անցնել «ԵսԵմ» նույնականացում, 
• լրացնել հայտ ներկայացնողի անձնական տվյալները,
• կատարել անհրաժեշտ քայլերի հրահանգները,
• եթե հայտ ներկայացնողը ցանկանում է ամուսնալուծվել արագացված ընթացակարգով, ապա ընտրել համապատասխան տարբերակը,
• ստուգել հայտ ներկայացնողի տվյալները, հանձնել դիմումը, վճարել և ստորագրել,
• էլեկտրոնային փոստի միջոցով ծանուցել մյուս ամուսնուն,
• թվային եղանակով ստորագրել և հանձնել հայտը։
  
  

Ներկայացվող պահանջներ

Ամուսնալուծության առցանց գրանցման ծառայությունից օգտվելու համար անհրաժեշտ է ունենալ՝

• գրանցված ամուսնություն,
• «ԵսԵմ» նույնականացում և թվային ստորագրություն։
  
  

Պահանջվող տվյալները

Ամուսնալուծության առցանց գրանցման համար անհրաժեշտ է հայտ ներկայացնողի հեռախոսահամարը և էլեկտրոնային փոստի հասցեն։ 

Վճարման չափը և կարգը

• Ամուսնալուծության գրանցման համար պետական տուրքը 10,000 դրամ է։
• Արագացված կարգով գրանցման դեպքում վճարվում է հավելյալ 200,000 դրամ ծառայության արժեք։

Տրամադրման ժամկետը և կարգը

• Ամուսնալուծությունը իրականացվում է հայտի ներկայացման օրվանից հետո 2 ամսվա ընթացքում։
• Ամուսնալուծության արագացված ընթացակարգը իրականացվում է հայտ ներկայացնողի նախընտրած ժամանակահատվածում, բայց ոչ ուշ քան 6 ամսվա ընթացքում։
• Ամուսնալուծության վկայականը ուղարկվում է նախկին ամուսնինների էլեկտրոնային փոստի հասցեին։

Հղում օրենսդրությանը

• «Քաղաքացիական կացության ակտերի մասին» ՀՀ օրենք
• «Պետական տուրքի մասին» ՀՀ օրենք

Իրավական ակտերը հնարավոր է տեսնել arlis.am-ում (անհրաժեշտ է կարդալ ակտերի վերջին տարբերակները)։