You will be taken to the service provider’s website, it will open in a new tab.
Դրոշմանիշային վճարի վերադարձի դիմում ներկայացնելու համար անհրաժեշտ է «Շարունակել» կոճակը սեղմելուց հետո գրանցվել՝ սեղմելով էջի վերևի աջ անկյունում նշված «ՄՈՒՏՔ» կոճակը։
Գրանցումից հետո դիմում ներկայացնելու համար անհրաժեշտ է․
- ընտրել «Դրոշմանիշային վճարի գումարների վերադարձ» բաժինը,
- սեղմել «Մուտքագրել նոր դիմում» կոճակը,
- բացվող էջում լրացնել անձնական տվյալները և սեղմել «Շարունակել» կոճակը,
- հաջորդ էջում ընտրել դիմումատուի կարգավիճակը, գումարը ստանալու եղանակը, դիմումատուի կապը զինծառայողի հետ, գործատուի տեսակը,
- հաստատել բանկային հաշվի պատկանելությունը ճշտելու թուլտվությունը և սեղմել «Շարունակել» կոճակը,
- հաջորդ էջում կցել դրոշմանիշային վճարի մասին տեղեկանքը և զինծառայողի զոհված լինելը կամ զինծառայողի կապը հաստատող փաստաթուղթը և սեղմել «Ավարտել դիմումի մուտքագրումը» կոճակը։
Ներկայացվող պահանջները
Դրոշմանիշային վճարի վերադարձի համար կարող են դիմել այն քաղաքացիները, որոնց․
- ընտանիքի անդամ զինծառայողը գտնվում է ժամկետային պարտադիր զինծառայության մեջ,
- կամ զոհվել է ծառայության ընթացքում։
Պահանջվող փաստաթղթերը
Դրոշմանիշային վճարի վերադարձի դիմում ներկայացնելու համար անհրաժեշտ են հետևյալ փաստաթղթերը․
- հանրային ծառայությունների համարանիշ,
- անձնագիր կամ նույնականացման քարտ,
- դրոշմանիշային վճարի մասին տեղեկանք՝ տրված հարկային մարմնի կողմից,
- զինծառայողի զոհված լինելու դեպքում՝ տեղեկանք զինծառայողի զոհված լինելու մասին (տրամադրվում է այն գերատեսչության սոցիալական ապահովման խնդիրների բաժնի կողմից, որտեղ ծառայել է զինծառայողը),
- զինծառայողի ծառայության մեջ գտնվելու դեպքում՝ տեղեկանք ժամկետային պարտադիր զինվորական ծառայության մեջ գտնվելու մասին (տրամադրվում է այն գերատեսչության սոցիալական ապահովման բաժնի կողմից, որտեղ ծառայել է զինծառայողը),
- եթե դիմումատուն ամուսինն է` զինծառայողի հետ կապը հաստատող փաստաթուղթը՝ ամուսնության վկայական,
- եթե դիմումատուն ծնողն է կամ զավակը` ծննդյան վկայական,
- եթե դիմումատուն ծնողն է` զինծառայողի ծննդյան վկայական։
Վճարի չափը
Դրոշմանիշային վճարի չափը կախված է դիմողի ամսական եկամուտի չափից և տատանվում է 1,000 դրամից մինչև 15,000 դրամի սահմաններում։ Մանրամասները ներկայացված են ուղեցույցում։
Տրամադրման ժամկետը և կարգը
Դրոշմանիշային վճարի վերադարձը տրամադրվում է դիմումը ներկայացնելուց հետո մինչև 2 ամսվա ընթացքում։
Դրոշմանիշային վճարի վերադարձի վերաբերյալ մանրամասները ներկայացված են ուղեցույցում։
Հղում օրենսդրությանը
ՀՀ կառավարության՝ 2017 թվականի փետրվարի 2-ի N 86-Ն որոշում
Որոշումը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը):
Ծառայության գծով աջակցության համար՝
This service can also be utilized through other available methods.
Using different methods might take more time or cost more money.
Service provided by
«ԶԻՆԱՊԱՀ» Զինծառայողների ապահովագրության ազգային հիմնադրամ