Including voting, legal drafts, reporting corruption, open data and freedom of information requests
Հանրագիրը պետական և տեղական ինքնակառավարման մարմիններին ուղղված անհատական կամ կոլեկտիվ առաջարկ է։ Հանրագրերի միասնական էլեկտրոնային հարթակի միջոցով հնարավոր է ներկայացնել անhատական կամ կոլեկտիվ հանրագիր, հետևել հանրագրի ընթացքին և հաղորդակցվել համապատասխան պետական կամ տեղական ինքնակառավարման մարմնի կամ պաշտոնատար անձի հետ։
«Ակտիվ քաղաքացի» հավելվածի միջոցով Երևան քաղաքի բնակիչները կարող են մասնակցել քաղաքի կառավարմանը՝ ներկայացնելով խնդիրներ աղբահանության, տրանսպորտի, արտաքին լուսավորության, կենդանիների խնամքի և այլ ոլորտներում։
Հավելվածի միջոցով ներկայացված խնդիրները ուղղվում են Երևանի քաղաքապետարան և գտնում իրենց լուծումները։
«Ակտիվ քաղաքացի» կայքի միջոցով Երևանի բնակիչները կարող են ներկայացնել առաջարկներ՝ ուղղված քաղաքի բարելավմանը։ Հարթակում հնարավոր է նաև քվեարկել այլ քաղաքացիների կողմից ներկայացված առաջարկների օգտին։
Պետական միասնական գրանցամատյանի (ռեգիստրի) տեղեկությունները բաց են համընդհանուր ծանոթացման համար: Ռեգիստրի ամբողջական տեղեկությունները, ինչպես նաև իրավաբանական անձանց կանոնադրությունների պատճենները տրամադրվում են պետական տուրքի վճարումը կատարելուց հետո։
ՀՀ-ում ընտրությունների ժամանակ հնարավոր է փոխել ընտրատեղամասն ու քվեարկել նախընտրելի տեղամասում։
Յուրաքանչյուր անձ պետական և տեղական ինքնակառավարման մարմինների ու պաշտոնատար անձանց գործունեության մասին տեղեկություններ ստանալու և փաստաթղթերին ծանոթանալու իրավունք ունի։
Տեղեկատվություն հնարավոր է ստանալ ինչպես բանավոր, այնպես էլ գրավոր դիմումի հիման վրա։
